Stundum uppliva brúkarar plágur av inniluftini, men duga ikki at finna orsøkina. Sopppur veksur ofta á støðum, sum ikki eru atkomilig, og trupult kann tí vera at staðfesta, um soppavøkstur er í bygningi ella ikki.

Mycometer Air er ein háttur, ið verður nýttur, tá illgruni er um, at soppur veksur á fjaldum støðum, og sum ikki kann staðfestast við flaturoyndum. Royndir verða tiknar við at skilja luftina ígjøgnum eitt filtur, ið síðan verður kannað á starvsstovu okkara.

Kanningin á staðnum tekur umleið ein hálvan tíma, uppfylgjandi kanningin tekur einar 15 minuttir, og kanningin á starvsstovuni tekur ein tíma. Hesin hátturin er tí serliga væl egnaður, um tit vilja staðfesta skjótt, hvussu støðan er.

Hátturin verður nýttur til at:

• Kanna nøgdina av soppasporum í inniluftini

• Finna keldur til soppavøkstur

• Rutinukanning av inniluft

• Góðskutrygging av renoveringsuppgávum

Úrslitini verða býtt upp í tríggjar bólkar, ið taka útgangsstøði í nøgdini av soppasporum, sum eru at finna í vanligum heilsugóðum bygningum.

Kategori A er tað støðið, ið finst í vanligum heilsugóðum bygningum við vanligari reingerð við ongum tekni um vatnskaðar/blámusopp.

Kategori B bendir á, at støðið er nakað hægri enn í vanligum heilsugóðum bygningum við vanligari reingerð.

Kategori C bendir á eitt óvanliga høgt støði av soppasporum, sum bara kemur fyri í bygningum við soppa- og vætutrupulleikum. Kategori C skal altíð útgreinast við kanningum av bygningslutunum, so orsøkin til soppavøksturin kann staðsetast og umvælast.