Í sambandi við, at SEV skal gera eina vindmyllulund í Húsahaga oman fyri Tórshavn, verður eisini gjørdur ein bygningur, ið skal hýsa tilhoyrandi tøkni. Bygningurin skal m.a. hýsa eini koblingsstøð, battaríi til myllur, transformarum og einum starvsfólka- og gestahøli. Bygningurin verður ventileraður og upphitaður við eini kombineraðari hitapumpu- og ventilatiónsskipan.